Globe Party 2011

May appreciation party ang Globe Telecom kahapon sa Richmonde Hotel para sa mga collection agencies. 6pm nag-start pero 7:30 pm na kami dumating sa venue,nagpaka VIP lang kami ni Madame para may konting drama ang entrance.Sa sobrang drama ayun patapos na ang program at awarding na lang ang naabutan namin.Kinakabahan ako yun ang sabi ng utak ko.Alam ko naman na tama lang ang suot ko sa okasyon pero di mawala ang takot, parang kinder lang na takot mag may I go out kay teacher naiihi lang.Hindi ko naman ine-expect na manalo ng awards kaya wala namang disappointment sa mukha ko at least may next year pa para sa panibagong awarding at malay mo ay swertehin din ako.May pa-raffle pa pero hindi din ako swerte sa ganun kaya naman nag hintay lang ako matapos yun no expectations at all...hindi ako nagkamali.

Nanalo naman ng special award ang isang agency owner as male Star of the night,literally star sya ng gabing yun sa suot nyang kumikinang na puro sequence,nakakasilaw,nakakatulala...nakakabangenge.Red suit from head to toe di ako sure kung yung brief red din.

Ok naman yung food,hindi lang ako sure kung may lasa mas tutok kasi ako sa dalawang klase ng kutsara,sa kutsilyo at kung anu- ano pa. Alam ko lang naman ay lamnan ang tyan ko at walang alam sa etiquette.Damn ang bobo ko yung kutsara na pang soup ginamit ko sa kanin tumingin ako sa paligid may agency owner na nakatingin.Ngumiti ako para itago ang pagiging tanga ko.

May mga kilala naman akong officer kaya nakulob lang at di naman napanis ng tuluyan ang laway ko.Maswerte pa din sabi ko

Umalis kami ng maaga,malamang pagod na din si Madame direcho kami sa opisina, doon kasi sya sususunduin ng anak nya at doon naman ako matutulog.Tulad sa hotel kung saan ako galing may mga nadatnan akong nagiinuman,karamihan kaibigan ko, Lahat sila lasing na wala mang red wine walang black label walang magarbong kasuotan,walang chandelier at mahal na pagkain pero may ngiti,tawanan at asaran where I am familiar with alam ko dito ako belong... Finally im home.Shot