40 days

Ambilis talaga ng panahon parang kelan lang ng makilala kita.Natatandaan ko pa nung una kitang makita.Ordinaryo lang ang kasuotan mo nun tshirt na gray at maong pants malayo sa suot kong makapal na long sleeve at pantalon na slacks di ko nga alam na mahalaga pala ang posisyon mo sa noo'y inaaplayan ko palang na trabaho.Sa tuwing ikaw ay aking nakakasalubong lagi kang may ngiti na baon.Nakakahiya nga sayo dahil una ka pang bumabati sakin.Umaga,tanghali at hapon ay walang kupas na ngiti ang nakahanda mong ibigay sa taong makakasalubong mo.

Lumilipas ang panahon unti-unti kitang nakikilala,marami ka palang kaibigan at masaya ka sa ganun.Nakakatuwa dahil hindi ka mahirap pakisamahan,mahilig ka sa sasakyan at mga baril andami mo pa ngang kilalang pulis at hula ko pinangarap mo din yun minsan sa buhay mo.Mahilig ka din mag-beach kita naman sa mga larawan mo.Naaaliw kang magtampisaw sa tubig kasama ang mga mahal mo sa buhay.Isang larawan ng masayang pamilya.Nabanggit ko ang pamilya kung pararangalan ka bilang anak at kapatid ay malamang summa cumlaude ka sa husay mong humawak ng problema.Ika nga nila you are such a cool person.Bilang ama ng opisinang iyong itinayo mas malaking hamon ngunit ito ay taas noo mong hinarap at pinagtagumpayan sa pagkakataong iyon may masters degree ka naman

Biglaan lahat.Panghihinayang at luha ang bumalot sa iyong iniwanan.At tulad ng iyong pagkawala mabilis din ang araw na lumipas heto at ika apatnapung araw mo na pala magmula ng ikaw ay tawagin nya at lisanin ang mundong iyon kinamulatan.Para sayo ang araw na ito at sana ay makapaglakbay ka ng maligaya sa iyong pupuntahan.Legacy ng matatawag ang mga iniwan mo dito sa mundo patunay ang building na ito at mismong empleyado mo.Sa iyo Bossing maraming salamat

PS

Kasama mo na si Steve Jobs ikamusta mo na lang ako sa kanya.Siguro lahat jan puro naka Ipad